X to the Z was in Kuwait ?

Again .. m7ad gali !

HDR iPhone 4 Pic

This morning I went for a cub of coffee at marina crescent Starbuck and decided to try out the HDR feature of the new iPhone. Look at the tree’s how they glow. Nice option for daylight pictures!

Plz No More Sliders!

جوني كارينوز مطعم كبير جداً … وعلى قولت المعلق الجزائري ..مطعم هاااايل …وما اقدر أوفيه حقه …بس هاليومين لازم يمشي مع الهبة …وللأسف مشى معاها..الهبة اهي هبة السلايدرز … فقام وسوى سلايدرز كرات لحم ؟!

Naif Chicken Vs Mr. Fero

مطعم نايف مطعم شهادتي فيه مجروحة كونه مطعم كويتي ويقدم فاست فوود بنفس بطيء نظرا لطبيعة الاكل المشوي…طلبي فيه عبارة عن قصيدة ارددها بين الفينة والأخرى كلما جعت …وكلما جاء على بالي دجاج مشوي …كان نايف احد الحلول …عالعموم ذهبت مؤخرا وطلبت طلبي المعتاد …واذا بالمفاجأة ..احد الأكياس كان غريبا …ويكاد يكون من مطعم اخر..شالسالفة ؟!…شصاير ؟! حسب تحليلي المتواضع …زيادة الأسعار في شتى المجالات لها أوجه عديدة … واني اكاد ان استشف زيادة اسعار قادمة مغلفة بلوجو جديد وقائمة طعام جديدة …لنفرض ان هذا اللوجو عبارة عن تغيير لاسم المطعم …فما أتمناه ان يظل دجاج نايف المعتاد وليس مسترفيرو لأني مو مستعد اكل لحم دياكة …

Ranch Sauce is Back – Papa Jones

اكاد لا اصدق عندما طلبت من بابا جونز ..انني استطيع ان استمتع بالرانش صوص مره اخرى.. بس اللي لاحظته انه جنه زاد سعره ..ما عليك الا اضافة ١٥٠ فلس عشان الصوص ..كنت خابر زيادة ١٠٠ فلس .. الحين كل شي راح يعدل من ١٠٠ الي ١٥٠ فلس واكثر ..مثل زيادة على علب البيبسي في البقالات والمطاعم الى١٥٠ فلس ..٥٠ بالمئة زيادة ..والقادم مع إقرار قانون الخصخصة راح يصير وضع مطاعم الفاست فود كالتالي :
١- تبي طلب فرش ادفع ربع دينار زيادة .. والسعر القديم علي السندويشات مالوت امس
٢- تبي المشروب بثلج ادفع ١٠٠ فلس زيادة ..والسعر السابق علي المشروب الغازي بدون غاز
٣ – تبي كاتشب ومايونيز .. دز مسج على زين واذا جاوبت صح ..نوصله لك مع دفع قيمة التوصيل
٤- تبي كلنكس اشتر من اقرب بقاله ..او استخدم الفوطة الجلحة والملحه في دورة المياه
٥- رسوم اكل داخل المطعم دينار..واذا سفري ادفع ٥٠٠ فلس لزوم الكياس والعواده
٦- توصيل المنازل راح يكون رسم ثابت ب٥٠٠ فلس ..مع دفع سعر البانزين و ١% من معاش موصل الطلب.. ويفضل بخششته ليرضى عنك مستقبلا

Unusual Review : Afendim

مطعم أفندم مطعم تركي في ميدان حولي على الدوار المقابل لقصر الشعب … المطعم مكانه موذاك الزود وصعب تلاقي مصفط فيه مثل الاوادم .. لكن أكله مو صج .. خصوصا مع شح المطاعم التركية بالكويت وزيادة المسلسلات التركية على قنوات الفضائيات .. في البداية يحطلك شوية زعتر وصوص أحمر ماذقته وشوية جبن على جنب  عبارة عن ضيافة تركية

ودايما يكون مع الخبز مسمسم عليه الحب الاسود يكون حار من التنور..طبعا طلبنا ما لذ وطاب من المقبلات الباردة والحارة مع الاطباق الرئيسية التركية ..الفتوش حلو مع الخبز المحمص المزعتر

نسيت شغلة طبعا مهمة الا وهي الماي  اللي بالصورة مع القلاص المايل  المو مستقيم مثل امور كثيرة عندنا بالبلد .. هذا ولا انسى طبعا الدايت كولا بعد ما يبيله.. اللي كان حاضر بقوة على الطاولة

من المقبلات المهمة على الطاولة كان حمص مع المحمرة له اسم تركي غلج .. وبالزاوية تحت لبنه أو شي من هذا القبيل مدممة باللون الاحمر ..مو كاتشب ومايونيز بتاع شارع المطاعم

طبعا بما انه مطعم تركي مشهور بالمشاوي التركية …ما راح اتكلم عنها ….بس طبعا راح اتكلم عن بطاطا حاره قوية جدا من النوع المدمر اللي ما تلقاه باي مطعم بالكويت..وتقدر تختمها بعد المشاوي بفطوم خانو

تشكرات افندم بطني جوكوزال

Unusual Review : Rustica

بيتزا روستيكا واحد من مطاعم الشايع الاخطبوطية المتواجده في الافينيوز ..موجود في الفوود كورت على كتر مقابل ابل بيز..طبعا المطعم مشهور بالبيتزا الايطاليه الساخنة من الفرن  مباشرة وأيضا الكالزوني (البيتزا المسكره المستحية اللي ما تبي توري الناس شنو فوقها) في البداية يضبطك المطعم بخبز طلياني وصوص طمام وزيتون اخضر .. نعتذر عن عدم توفر الصوره الاصلية  حيث علم ايطاليا يكفي بالوانه الطماطية والزيتونية.. طبعا ما يطوفني اي مطعم الا وأتذوق الدايت بيبسي اللي كان كبير من الجليبي يروي عطش أكلي البيتزا..علامة تحسب له

وبما ان المطعم مشهور بالبيتزا..فما راح اتكلم عن البيتزا في المطعم ..طلبت طلب الستيك بصوص الليمون  مع سايد السلطة.. طبعا الطلب لولا صوص الانقاذ الا وهو الكاتشب لكان كارثة تحل على ذوق معدتي .. فكان  الكاتشب خير منقذ ومحسن لطعم هذا الطبق

ملاحظة : الصوص الاحمر اللي على جنب مو كاتشب.. عبارة عن دقوس بارد ..لم ينفع ويشفع للطلب .. والسلطة اللي فوق عبارة عن جم خسه وطماط مقصص بدون اي صوص سلطه

Unusual Review : Mais Al Ghanim

  ميس الغانم مطعم غني عن التعريف بمشوياته وموقعه وتاريخه واسعاره…صار لي دهر اكل منه وكله من الاكل اللبناني المعتاد من المقبلات الباردة والساخنه واطباق المشاوي المتنوعه…بس في أخر مره رحتله كان مع خبير الخفايا التحضيرية والتذوقية في شؤون الفلافل وتوابعها .. ترك  المينيو الملغوم بالطلبات القوية … وطلب طلب ممكن ينطلب بكناري ولا نواره ..او اذا اشوي امبحبحها الكلحه…طلب فلافل ؟!! على الرغم انه الطلب ما كان بوقته …بس كان قوي حسب معاييره التحضيرية والتذوقية الخاصة في شؤون الفلافل على الخليج العربي 

City Center – Shuwaikh..استرجل

سيتي سنتر الشويخ يدعي انه المكان الاول للتسوق في الكويت هل هذا صحيح؟! ممكن اي.. ممكن لا … بس اللي لفت انتباهي صورتين في الخارج لرجل مجسم او مسترجل ومرآة مسترجله …

ملفع «بوتفخة» يرفع أسعار علب الروب

مو ناقصين ارتفاع أسعار أكثر من الموجود…نصيحه للبنات استخدام غواطي باسكن بمختلف الاحجام بعد اكل الايس كريم طبعا… واذا اردتن ان تبدين بطله بهية فضائية فما عليكن الا استعمال تب كنتاكي العائلي

التفاصيل : جريدة أوان